گونئي آذربايجان ميللي آزادليق حركاتي ايله ياناشي گونئي آذربايجان قادين حاقلاري اوغروندا گئدن چاليشمالارين گونو گوندن گوجلنمه سي، گونجللشمه سي و اينكيشافي اوميديله ، آذربايجان اؤيرنجي حركاتي قادين قولو اولاراق بو وئبلاگين آچيليشينا جهد گؤسترديك.
وئبلاگا دايير بير نئچه نوكته ني آيدينلاتمالييق:
• بو وئبلاگدا گئنلليكله قادين حاقلاري و اؤزلليكله گونئي آذربايجان قاديني، اونون كئچميش، بو گونكو و گلجك دورومو، معروض قالديغي ميللي و جنسي آيري سئچكيليك لر، ميللي حركتده و اونا داخيل اؤيرنجي حركاتيندا قادين لارين و اويرنجي قادين لارين رولو... و بو ساحه لرده اولان چئشيتلي يازيلار، خبر و مقاله لرين يايينلاماسينا چاليشاجاييق.
• وئبلاگدا گئدن يازيلار فرقلي و چئشيتلي دوشونجه صاحيبلرينين اورتايا قويدوقلاري فيكيرلر و يازي لار اولا بيلر و هر هانسي بير يازينين وئبلاگدا يايينلانماسي ،بيزيم گؤروش آچي ميزين گؤسترگه سي دئمك دئييل دير.
• گنج و تجروبه سیز اولدوغوموزا ايناناراق بو يولدا چاليشان اؤنجوللريميز، فيكيرداشلاريميز و سيلاحداشلاريميزدان ، بيزه بو آغير يوكو دوغرو دوزگون داشييب، مقصده چاتديرماغيميزدا يارديمجي اولماقلاريني ديله ييريك.
سونوندا وورغولامالييق كي : گلجك آذربايجان دا مودرن، گليشميش، دئموكرات و هر هانسي بير آيري سئچكيليكدن بري اولان توپلوم ايده آلينين دوغرولتوسو اوغروندا لازيمي هر هانسي چابادان اسيرگه مه يه جه ييميزي دوشونوروك.
گونئي آذربايجان اؤيرنجي قادينچي لار